Tamén coñecido como “papiroflexia”, este termo refírese á disciplina oriental que crea figuras a base de pregar follas de papel coas mans.

Os resultados son do máis variado, dende o clásico avión de papel ata figuras tan espectaculares coma cisnes.

Orixe e expansión

Esta disciplina naceu nas cerimonias da nobreza asiática con motivo de que o prezo do papel non era alcanzable para calquera.

Máis tarde, este reduciríase e o origami estenderíase a todas as clases sociais.

Séculos despois, cando os exploradores estableceron a “Ruta da Seda” con Marco Polo como referente, a “papiroflexia” foi achegada a occidente.

Beneficios

Estudada por pedagogos e psicólogos esta disciplina achega indubidables beneficios.

Por un lado, axúdanos a desenvolver destreza e precisión, dótanos de creatividade e déixanos momentos de distracción.

Por outro lado, está demostrado que as actividades manuais axudan a mellorar a autoestima, desafógannos e nos afastan dos nosos temores e obsesións.

Así pois, o “origami” é usado incluso como terapia nalgunhas ocasións.

Creacións

Como dixemos, as figuras que se poden crear son moi variadas e espectaculares. Na súa maioría parten dun rectángulo ou un cadrado de papel e a partir de aí fórmanse animais, obxectos, xoguetes…

Algunhas figuras de “origami” son:

Paxariña

Pico de paxaro

Barco

Cisne