A orixe dos topónimos galegos (V): Vigo

Pasou xa bastante tempo dende o último artigo da serie A orixe dos topónimos galegos. Tras percorrer todas as capitais de provincia, imos agora coa cidade máis poboada de Galicia: Vigo.

Existe certa unanimidade entre os expertos en que a orixe do topónimo de devandita cidade está situada, como adoita a ser habitual, no contexto latino. Vigo provén do étimo vicus, que curiosamente significa “aldea ou pequeno lugar poboado”. A evolución etimolóxica e similar á do caso de Lucus → Lugo. O “c” sufriría unha sonorización e o grupo “-us” evolucionaría como pasa noutras moitas palabras.

Malia que nun principio poida parecer que dito topónimo fora adoptado na época da Gallaecia romana o certo é que todo parece indicar que non foi así. Vigo é a segunda cidade con maior cantidade de restos arqueolóxicos romanos despois de Lugo e todo parece indicar que, na época, Vigo era un gran porto pesqueiro; polo que resulta difícil de crer que se lle denominara con nome de vicus ­–aldea-. Isto é o que defende o historiador do CSIC Manuel Santos Estévez na súa tese.

Porto deportivo de Vigo
Porto deportivo de Vigo na actualidade.

Este historiador chega á conclusión de que a cidade de Vigo na época romana denominábase Burbida e que o nome de Vicus foi adoptado no s. VI na alta idade media; debido a que tras a caída do imperio romano a antiga Burbida colapsouse da mesma forma que o imperio quedando reducida a unha pequena aldea.

Tras ver o significado de vicus, cabe pensar que é probable que o topónimo Vigo non sexa exclusivo da gran cidade pontevedresa. É o caso Vigo de Sarria (Lugo), Vigo dos Toxos (A Coruña) ou Vigo de Galegos (Lugo).

Outra curiosidade do étimo vicus é que é a orixe etimolóxica de veciño, que na actualidade define ao habitante de calquera poboación en xeral, nun principio debeu referirse aos habitantes de pequenas aldeas ou vicus. Polo que o xentilicio etimolóxico de Vigo sería veciño e non vigués, formado a partir do topónimo moderno. Así que case podemos dicir que os vigueses son os veciños por excelencia de todos os galegos.

Máis en erdati | A orixe dos tópinimos galegos

Advertisements

One Comment Add yours

  1. En mi opinión, Vigo es el Vico Spacorum del Itinerario de Antonino (RAUL VILLANUEVA, 2006. En una revisión a la teoría de Antonio de la Peña en VIII CONGRESO INTERNACIONAL DE CAMINERIA HISPÁNICA, Pastrana, Guadalajara Junio 2006). No discuto que los Vico algunos son de momentos medievales. Si observamos el Itinerario de Antonino abservamos del órden de unos treinta topónimos compuestos con Vico como primer componente. Tal como Vico cuminario etc etc. . Cierto que hay muchísimos más formando parte como segundo componente pero ya siempre como Vicus (reconozco que no logro entender esta alternancia si no es que el primero lo es para indicar: “lugar de…spacos cominos etc etc. y el segundo ya como Vicus haciéndolo con la acepción más generalizada de “poblacion, pequeñña población, aldea.). Por lo tanto nuestro Vico tiene el significado de “lugar de” y en este caso el nombre completo romano: Vico Spacorum: “Lugar de Spacos”. Ya digo, son muchos Vicos, como primer componente, y muchos más Vicus como segundo lugar.. No es más que una opinión. Un saludo.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s