Como xa é tradición en erdati, un ano máis faremos todo o posible por achegarvos a gala dos Premios Mestre Mateo, a gala do audiovisual galego.

Despois de poder gozar da gran experiencia e o xenial trato do ano pasado, arrancamos motores cos premios deste ano.

Así pois, traémosvos a listaxe definitiva das candidaturas deste ano. En total, temos 111 obras estreadas ao longo de 2014 e repartidas nas 25 categorías.

No vindeiro mes de marzo, os académicos, escollerán aos 4 finalistas de cada categoría e que optarán a gañar a estatuilla na XIII gala destes premios.

Destacamos unha das grandes favoritas para a gala que tamén tivo a súa correspondente acollida no noso blogue, “A esmorga” que chega aos premios pisando forte despois de impresionar tanto nos cinemas galegos como nos españois.

Deixámosvos aquí a listaxe para descargar.

Listaxe de candidatos para os Premios Mestre Mateo XIII

Por suposto, seguiremos manténdovos informados segundo vaian saíndo máis novas con respecto á gala deste ano.